«Сыныпты зерттеу. Ізденіс. Нәтиже» тақырыбындағы семинар
19 қазан күні Шалқар ауданы «Ә.Жангелдин атындағы ЖОББМ» КММ-де «Өрлеу» БАҰО АҚ филиалы Ақтөбе облысы бойынша ПКБАИ меморандум аясында «Сыныпты зерттеу. Ізденіс. Нәтиже» тақырыбындағы семинар болып өтті. Семинарда «Lesson study» сыныпты зерттеу тәсілі бойынша топ жетекшілері осы бағытта жүргізген жұмыстарының жылдық қорытындысы ретінде өз тәжірибелерін ортаға салды. Мақсаты-елімізде кеңінен қолданыла бастаған осы тәсіл бойынша мұғалімдердің іс-тәжірибесін тарату. Топ жетекшілері сыныпты зерттеу оқушылардың білім деңгейінің артуына және мұғалімдердің кәсіби өсуіне ықпалы зор екендігін айтып өтті. Семинарға «Өрлеу» БАҰО АҚ филиалы Ақтөбе облысы бойынша ПКБАИ «Жаратылыстану және гуманитарлық пәндерді оқыту әдістемесі» кафедрасының меңгерушісі, педагогика ғылымдарының кандидаты Давлеткалиева Елизавета Султановна қатысып, қатысушыларға сәттілік тіледі.
